5 vikna hvolpar

Hvolparnir eru fimm vikna og eru farnir að trítla um allt hús. Sól er orðin mun stærri en Vindur bróðir.

Sól var í miklu stuði í dag og æfði sig í veiðum.

Fyrst þurfti að veiða einn spariskó og drösla honum á milli herbergja.

Síðan var röðin komin að teppi sem þurfti að hrista duglega til.

Mamma slapp ekki, enda auðveld bráð.

Vindur bróðir var öllu rólegri, klóraði sér......

og uppgötvaði að það má alveg veiða fótinn. Skellti sér svo með í leikinn.